離地港女 - 不負責任旅遊亂記錄

大多人去東京, 主要係去一啲比較熱門嘅地點…

好似池袋 / 新宿 / 涉谷個啲…

但除左呢啲之外, 其實山手線都仲有啲特色選擇…

好似有 " 老人原宿 " 之稱嘅 >> 巢鴨地藏通商店

係呢個招牌嘅右邊, 有個大屎忽係到, 仲要有個瓦遮頭, 都幾巴閉

老實講, 其實我主要去呢到, 只為左一間舖頭…

其他主要係賣點心啊, 年紀較大嘅衫啊, 個啲（羊羹之類）

因為我對點心個啲無乜興趣, 所以都無乜留意特別有咩賣…

所以, 請原諒我無視其他野…

叮叮叮, 就係呢間！

《 赤パンツ 》

呢間舖頭裡裡外外都紅卜卜架！

賣嘅主要係大人細路嘅紅底底, 使乜怕羞！！

除左底底, 仲會有毛巾, 鎖匙扣, 襪, 布袋仔, 底衫.....

全部主要都係紅色, 有啲上面仲會有吉祥物 / 卡通

價錢上其實都唔係話好貴, 而佢地嘅質料都唔錯…

聽講一條可以著 9 年 XDD

係咪真係 9 年就唔知, 不過經某某證實, 男裝 BOXER 款條橡根同個粒印花,

都真係 KEEP 到好耐, 尤其年頭去日本, 就絕對讚成去買下 XD

話晒我地過年要旺下佢 XDDDD 

比埋個紅底底同地藏通商店街網站大家睇下,

齊齊發掘好野 XDD

《 巢鴨地藏通商店 》：https://sugamo.or.jp/

《 赤パンツ 》：http://www.sugamo-maruji.jp/

喂喂喂, 唔好走住…

記唔記得一開始個大屎忽？？

佢就係大屎忽個主人啦！

佢其實係巢鴨嘅吉祥物, 商店街都會見到佢嘅野買架！！

紅底底都會有佢個嘜頭, 真係好搞笑 XDD